Oralda 117 otbasy qonys toıyn toılady

ORAL. QazAqparat – QR Konstıtýtsııasy kúnine oraı Batys Qazaqstan oblysynda «Nurly jer» memlekettik baǵdarlamasy aıasynda salynǵan taǵy bir kópqabatty úı paıdalanýǵa berildi,, dep habarlaıdy QazAqparat tilshisi.
None
None

Oraldaǵy «Bolashaq» qurylys kompanııasy salǵan jańa 9 qabatty 117 páterli úıge Turǵyn úı qurylys jınaq bankiniń salymshylary jáne kezekte turǵan áleýmettik osal toptaǵylar qonystandy. Іri paneldi úı Oral qalasyndaǵy Zachagansk kentinde ornalasqan. Jańa páterlerdiń kiltterin turǵyndarǵa oblys ákimi Ǵalı Esqalıev tabystady.

Sońǵy úsh jylda óńirde «Nurly jer» memlekettik baǵdarlamasy boıynsha 227 myńnan astam sharshy metr paıdalanýǵa berilip, 3568 páterlik 24 úı salyndy. Qonystanýshylar arasynda kezektegi turǵyn úıge muqtaj jandardyń kelesi sanattary bar: kópbalaly otbasylar, tolyq emes januıalar, múgedek balalardy tárbıelep otyrǵandar, 1 jáne 2 toptaǵy múgedekter, jetim balalar, memlekettik qyzmetshiler, áskerıler, arnaıy memlekettik organdardyń jáne bıýdjettik uıymdardyń qyzmetkerleri. Búgingi tańda 19 myńnan astam adam baspana kezeginde tur.

«Baspanaǵa «7-20-25» jáne basqa da turǵyn úı alýǵa arnalǵan baǵdarlamalarmen turǵyn úı qurylys jınaq bankiniń salymshylary da qol jetkizdi. Halyqtyń úı alý máselesin sheshý úshin memlekettik baǵdarlamaǵa sáıkes oblys ortalyǵynda ǵana emes, ár aýdanda jańa úıler salynýda. Osy maqsatta jer ýchaskeleri tegin bólinedi, qurylysqa jergilikti kompanııalar tartylady, sondaı-aq jumys oryndary ashylyp, jergilikti qurylys materıaldary qoldanylady. Memlekettiń turǵyn úıge qatysty saıasaty qazaqstandyqtardyń ál-aýqatyn jaqsartýǵa baǵyttalǵan», - dedi aımaq basshysy.


Сейчас читают