Oralda 108 páterlik 9 qabatty turǵyn úı paıdalanýǵa berildi

ORAL. QazAqparat – Oral qalasynda 108 páterlik 9 qabatty turǵyn úı paıdalanýǵa berildi, dep habarlaıdy QazAqparat tilshisi.

Jańa ǵımarattyń 30 páterine úıleri apatty dep tanylǵan turǵyndar ornalasty.

Oblys ákimi Narıman Tóreǵalıev páter ıelerin jańa jylmen quttyqtap, baspana kiltterin tabysty etti.

Óńir basshysynyń atap ótkenindeı, qalada apatty jáne tozyǵy etken úılerdiń ornyna «Renovatsııa» baǵdarlamasy arqyly jańa baspanalar boı kóterýde.

Atalǵan baǵdarlama aıasynda 220 páterlik 28 apatty úı súrilip, ornyna 13 jańa úı salyndy.

N.Tóreǵalıev qurylysty jańa tehnologııalardy qoldanyp, sapaly aıaqtaǵan «Bolashaq-T» kompanııasyna rızashylyǵyn bildirdi.

Paıdalanýǵa berilgen 108 páterli úıdiń jalpy aýdany – 6469,74 sharshy metr. Mundaǵy páterlerdiń 54-i – eki bólmeli, qalǵan jartysy – úsh bólmeli.

«Buryn eski ári apatty úıdiń úsh bólmeli páterin mekendedik. Eski bolǵandyqtan, káriz júıesi joq edi, basqa da qolaısyzdyqtary jetip artylatyn. Mine, búgin keń de jaryq páterge qol jetkizip, qýanýdamyz. Osy turǵyn úıdi iske qosýǵa atsalysqan jandardyń bárine alǵys aıtamyz», dedi qala turǵyny Lıýdmıla Stelmah.

Kóp balaly analardyń biri Venera Júsipova da kópten kútken baspanaǵa kóship jatqandyǵyn, jańa jyldy jańa qonysta qarsy alatyndaryn jetkizdi.

Eske sala keteıik, budan buryn Oralda tok soǵyp, eki qolynan aıyrylǵan balanyń ata-anasyna páter berilgenin jazǵan bolatynbyz.

Foto – BQO jáne Oral qalasy ákimdigi