Oralda 100 jyl buryn jasalǵan qarý joıyldy
ORAL. QazAqparat - «QazArmaProm» JShS zaýytynda 223 qarý balqytyldy, dep habarlaıdy QazAqparat tilshisi.
Sonyń ishinde 149-y - tegis uńǵyly myltyqtar, 22-si - travmatıkalyq, 18-i - gazdy tapanshalar.
Oblystyq polıtsııa departamentiniń baspasóz qyzmetinen túsken málimetke qaraǵanda, bular - turǵyndar erikti túrde tapsyrǵan, sondaı-aq tárkilengen, sot úkimderimen alynǵan qarýlar. Olardyń árqaısysy komıssııalyq tekserýden ótkizilip, tirkelip, joıýǵa ruqsat berilgen.
Osy qarýlardyń ishinde 1919 jyly Týla qarý-jaraq zaýytynan shyǵarylǵan nagan da bar.
Qarýlar balqytylǵannan keıin odan keminde 200 kg metall alynady.
Aıta keteıik, BQO polıtsııa departamenti qarý joıý sharasyn ár toqsan saıyn ótkizedi.
