Oralda «100 mektep, 100 aýrýhana» baǵdarlamasyna sáıkes balalar aýrýhanasy salynýda - Premer-Mınıstr sapary
ORAL. Shildeniń 22-si. QazAqparat /Eljan Eraly/ - Oral qalasy Shaǵan kentinde 200 tósektik oblystyq kópbeıindi balalar aýrýhanasy salynýda, búgin onyń qurylys barysymen Premer-Mınıstr Kárim Másimov tanysty, dep habarlaıdy QazAqparat tilshisi.
Atalmysh qurylystyń jalpy smetalyq quny - 4809,305 mln. teńge. Bas merdiger - «Altım» JShS. 2008 jyly qarashada qurylysy bastalǵan nysan bıylǵy jyl sońynda paıdalanýǵa berilmek.
Qurylys jumysy kestege sáıkes júrgizilýde. 2008 jyly - 172,9 mln. teńge, 2009 jyly 500 mln. teńge ıgerilse, bıyl 4128,306 mln. teńgeniń jumysy atqarylmaq.
Oblysta «100 mektep, 100 aýrýhana» baǵdarlamasyna sáıkes ótken jyly Jańaqala aýdany ortalyǵynda aýdanaralyq saýyqtyrý ortalyǵy salynyp bitse, bıyl bes birdeı nysan paıdalanýǵa berilmek. Al kelesi jyly Oral qalasynda 300 tósektik kópbeıindi aýrýhana qurylysy bastalmaq. Sonda atalmysh baǵdarlamaǵa sáıkes óńirde barlyǵy jeti densaýlyq nysany iske qosylmaq.
Aýrýhana qurylysymen tanysqannan keıin oblys ákimi Baqtyqoja Іzmuhambetov osy aýmaqqa asa qajetti zachagan podstansysynyń qurylysyn jalǵastyrý úshin 2 jylǵa 1,7 mlrd. teńge bólýdi surady.
Úkimet basshysy osyǵan baılanysty arnaıy tapsyrma berdi.
