Oralda 10 jer telimi aýktsıonǵa qoıyldy
Oral qalasy jer qatynastary bóliminiń basshysy Arman Bısımbalıevtiń aıtýynsha, aýktsıon 26 sáýir kúni qalalyq ákimdiktiń úlken zalynda aǵylshyn tásilimen ótedi.
Aýktsıonda kommertsııalyq baǵyttaǵy nysandar qurylysy men saýda pavılonyna arnalǵan jer telimderin jalǵa berý quqyǵy satylady.
Utqandarǵa jer telimderi úsh jylǵa jalǵa beriledi. Eger kásipker osy merzimde ony ıgerse, jer telimin jeke menshigine aınaldyra alady. Olaı bolmaǵan jaǵdaıda jer telimi keri qaıtarylady. Ol keıin aýktsıonǵa qaıta qoıylýy múmkin. Bul rette kásipkerdiń jumsaǵan shyǵyny qaıtarylmaıdy.
Aýktsıonǵa shyǵarylyp otyrǵan 10 jer teliminiń beseýi Oral qalasynda, tórteýi Zachagan, bireýi Krýgloozernyı kentinde ornalasqan. Bastapqy baǵalary ár túrli. Olardyń báriniń de tehnıkalyq qujattamasy daıyndaldy.
Aıta keteıik, bul - Oral qalasynda ótken jyldan beri uıymdastyrylyp otyrǵan tórtinshi, bıylǵy ekinshi aýktsıon.
