Oralda 10 jasar jankúıer oıynnan soń stadıondaǵy qoqysty tazalady

ORAL. QazAqparat - Oralda «Aqjaıyq» pen «Jeńis» arasyndaǵy oıynnan soń 10 jasar jankúıer stadıondy qoqystan tazalady, dep habarlaıdy QazAqparat tilshisi.

«Aqjaıyq» fýtbol klýbynyń baspasóz qyzmetinen málim etkenindeı, matchtan keıin stadıon ishi gazet betteri men sýsyn qutylaryna toldy.

Ózimen birge qoqys salatyn polıetılen qap alyp kelgen qarshadaı bala stadıon ishin tazalady. Onyń esimi - Álıhan. 10 jasta. Ózi de fýtbolshy. «Jaıyq jastary» komandasynda jattyǵady.

Negizi tek ózim jınamadym. Qasymda Mansur, Nurtas jáne Nádir degen dostarym boldy. Olar jınalǵan qoqysty arnaıy jáshikke salýǵa tómen túsip ketken edi

, - dedi Álıhan.

Álıhanǵa «Aqjaıyq» komandasynyń óz alańynda ótetin oıynynda syılyq tapsyrylady.

Eske sala keteıik, budan buryn «Aqjaıyq» astanalyq «Jeńispen» teń tarqasqanyn jazǵan bolatynbyz.