Oralda 10 aılyq sábıdiń neden kóz jumǵany belgili boldy
ORAL. QazAqparat - Oralda 10 aılyq sábıdiń bakterııalyq menıngıtten qaıtqany belgili boldy, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń bólim basshysy Valentına Kenjeǵalıeva málim etkendeı, atalǵan sábı 3 maýsym kúni oblystyq kópbeıindi balalar aýrýhanasyna aýyr jaǵdaıda túsken.
Ókinishke qaraı, sábı sodan ońala almaı, 10 maýsym kúni kóz jumdy.
Búldirshinge jiti irińdi menıngıt degen dıagnoz qoıylǵan. Alaıda, bul juqpaly indet emes. ıAǵnı, bakterıologııalyq zertteýler onda menıngokokk qozdyrǵyshy joq ekenin kórsetti.
«Oblysta osy kezge deıin eki adamnyń menıngokokk juqpasymen aýyrǵany tirkeldi. Olardyń bireýi - 20 jasta bolsa, ekinshisi - 9 aılyq sábı. Ekeýi de jazylyp shyqty. Turǵyndarǵa aıtarymyz, jaz maýsymynyń bastalýyna baılanysty serozdy vırýsty menıngıtti juqtyrý qaýpi kúsheıedi. Bul kókónis, jemis-jıdekterdi durys jýmaýdan jáne sýǵa shomylý kezinde juǵýy múmkin. Onyń qozdyrǵyshy - enterovırýs», - dedi QazAqparat tilshisine Valentına Talapqyzy.
Eske sala keteıik, keshe aýrýhanada 10 aılyq sábı kóz jumǵan bolatyn.
