Oralda 10 aılyq sábı aýrýhanada kóz jumdy
ORAL. QazAqparat - Oralda 10 aılyq sábı aýrýhanada kóz jumdy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, sábı oblystyq kópbeıindi balalar aýrýhanasynyń jansaqtaý bóliminde bakterııalyq juqpadan kóz jumdy.
Dárigerler búldirshinniń ómirin saqtap qalý úshin qoldan kelgenniń bárin jasady.
«Kún saıyn konsılıýmdar júrgizildi. Telemedıtsına arqyly respýblıkalyq analar men balalar ortalyǵy mamandarynan keńes alyndy. S.Asfendııarov atyndaǵy Qazaq ulttyq medıtsına ýnıversıteti balalar aýrýlary kafedrasynyń dotsenti kózbe-kóz keńes berdi. Soǵan qaramastan, bala 10 maýsym kúni jan tapsyrdy», - dedi A.Saqposynova.
