Oralda №1 emhananyń kabıneti órtendi
ORAL. QazAqparat - Búgin túsqaıta Oralda №1 qalalyq emhananyń ekinshi qabatynda hırýrgııa kabıneti órtendi, dep habarlaıdy «QazAqparat» HAA tilshisi.
Oblystyq densaýlyq saqtaý basqarmasynyń baspasóz hatshysy Flıýra Samatovanyń aıtýynsha, ıis shyǵa bastaǵannan-aq dárigerlerdiń habarlaýy nátıjesinde órt taramaı, ýaqtyly sóndirildi. Emhanadan qyzmetkerler men kelýshiler sol boıda syrtqa shyǵaryldy. Eń bastysy, zardap shekkender joq.
«Búginge jazylǵan emdelýshilerge dárigerler úılerine baryp, qyzmet kórsetedi», dedi QazAqparat tilshisine F.Samatova.
Qazirgi kezde oqıǵanyń sebep-saldary, keltirilgen shyǵyn anyqtalý ústinde.
