Oralda 1-9 synyptarda sabaq bolmaıdy
ORAL. QazAqparat - «Qazgıdromet» RMK BQO fılıalynyń málimetine sáıkes Oral qalasy mektepterinde birinshi aýysymda oqıtyn 1-9-synyp oqýshylary úshin sabaq toqtatyldy, dep habarlaıdy «QazAqparat» HAA tilshisi.
BQO TJ departamentiniń jedel kezekshisi, azamattyq qorǵaý maıory Nurbolat Muqajanovtyń aıtýynsha, kún 28 gradýsqa deıin sýytty.
TJ departamenti sondaı-aq aldaǵy senbi, jeksenbi kúnderi oblys ortalyǵy men kóptegen aýdandarda kún sýytatynyn habarlap otyr. Túngi ýaqytta aýa temperatýrasy -27 gradýsqa deıin, tipti keı jerlerde -32 gradýsqa deıin tómendeıdi. Al kúndiz birqatar jerler men Oral qalasy aýmaǵynda -25 gradýs bolmaq.
Eske sala keteıik, budan buryn 7-8 aqpan kúnderi Oralda bastaýysh synyptarda sabaq toqtatylǵan edi.
