Oralbaı Ábdikárimov bilim basqarmalaryndaǵy jemqorlyq bylyqtar týraly aıtty

NUR-SULTAN. QazAqparat – «Jańarý» sybaılas jemqorlyqqa jalpy ulttyq qozǵalysynyń tóraǵasy Oralbaı Ábdikárimov pandemııa kezinde bilim basqarmalarynyń basshylary bıýdjet qarajatyn qalaı jymqyrǵanyn aıtty, - dep habarlaıdy QaAqparat.

Respýblıkalyq qoǵamdyq birlestik tóraǵasy pandemııa sybaılas jemqorlar úshin aqsha jymqyrýdyń jańa múmkindigi bolǵanyn aıtady.

«Sybaılas jemqorlyqqa tózbeıtin kózqaras qalyptastyrý isin jalǵastyrý kerek. Bul formaldy sıpatta ótpeýi qajet. Árqaısymyz onyń el damýynyń qazirgi kezeńinde mańyzy zor ekenin túsinýimiz kerek. Pandemııa kezeńinde sybaılas jemqorlar ahýaldy paıdalanǵanyn bilemiz. Pandemııaǵa qarsy qanshama qarajat bólingenin barshańyz bilesizder. Іndetpen kúreske trıllıondaǵan teńge bólindi. Sony jyrymdap, jol boıynsha, basqa da baǵyttar boıynsha jymqyrǵandar bar «, - dedi Oralbaı Ábd i kárimov L.N.Gýmılev atyndaǵy EUÝ-da ótken semınar-keńeste.

Sondaı-aq ol halyqqa bilim berý salasynda da jaǵdaı solaı ekenin aıtty.

«Mektepterdi kompıýtrlendirý boıynsha qorqynyshty faktiler belgili bolyp jatyr. Kompıýter satyp alýǵa senip tapsyrylǵan aqshany oblystyq bilim basqarmalarynyń basshylary baǵany qoldan kóterý arqyly jymqyrǵan. Saldarynan sapasyz kompıýterler alynǵan. Osyndaı jaıttar qaıtalanbaýy úshin búkil halyq bolyp jemqorlyqqa qarsy kúrestiń mańyzyn túsingeni kerek. Biz bul isti sońyna jetkizemiz. Ol úshin kúndelikti jumys isteý qajet», - dedi ol.