Oralda túrmege tyıym salynǵan zat kirgizbek bolǵandar ustaldy
ORAL. KAZINFORM — Qazaqstan Respýblıkasy ІІM Ulttyq ulany 5517 áskerı bóliminiń sarbazdary Qylmystyq-atqarý júıesi komıtetiniń qyzmetkerlerimen birlesip, tyıym salynǵan zattardy túzeý mekemesiniń aýmaǵyna ótkizý áreketin toqtatty.
QR Іshki ister mınıstriniń tapsyrmasy boıynsha «Zań jáne tártip» ıdeologııasy sheńberinde QAJ obektilerin qorǵaý kúsheıtildi, bul quqyq buzýshylyqty ýaqtyly anyqtaýǵa jáne aldyn alýǵa múmkindik beredi.
2025 jyldyń 3 jeltoqsanynda saǵat 17:10 shamasynda tekserý toby óndiristik tsehqa aǵash jetkizetin «Nıva» markaly avtokóligin toqtatty. Tekserý kezinde «Detektıv» atty qyzmettik-izdestirý ıti kólik brýsinde kúdikti zat baryn meńzegendikten, sol jer muqııat tekserý qajet boldy.
Jeke quram radıotehnıkalyq qondyrǵyny qoldana otyryp, aǵashty egjeı-tegjeıli teksergende onyń ishinen tyıym salynǵan zattar tabyldy.
Oqıǵa ornyna jedel-tergeý toby shaqyrylyp, kelesi tyıym salynǵan zattar tárkilendi:
- 17 uıaly telefon, 32 qorap temeki,
- beıne jáne aýdıo jazý fýnktsııasy bar qalam,
- 8 SIM karta jáne ishinde spetsıfıkalyq ıiske ıe ósimdik tektes (kannabıs bolýy múmkin) zaty bar 7 ZIP paket salynǵan
- 2 qýattaǵysh qurylǵy (poverbank) tárkilendi.
Zańsyz áreket Ulttyq ulan áskerı qyzmetshileri tekserý bólimshesiniń bastyǵy efreıtor Azamat Tileý jáne kınolog — maman efreıtor Amanaı Baqtyǵalıdiń kásibıligi, jedeldigi men zeıindiliginiń arqasynda toqtatyldy. Osy faktisi boıynsha tekserý júrgizilip, tyıym salynǵan zattardy jetkizý áreketine qatysy bar adamdar anyqtalady.
Qyzmetimen kózge túsken ulandyqtar QR Іshki ister mınıstriniń orynbasary — Ulttyq ulan Bas qolbasshysynyń quqyǵymen marapattalatyn bolady.
Aıta keteıik, Ulttyq ulan JI quraldaryn meńgere bastady.