Oral turǵyny jertólesinde esirtki ósirgen
Batys Qazaqstan oblysy polıtsııa departamentiniń baspasóz qyzmetinen túsken málimetke qaraǵanda, atalmysh derek «Kóknár» jáne «Dopıng» jedel aldyn alý sharlary barysynda anyqtaldy.
1992 jylǵy turǵyn Zachagan kentindegi «Voshod» garaj kooperatıvine qarasty garajdardyń birinde esirtki zattaryn zańsyz ósirip, saqtaǵany úshin ustaldy.
Garajdyń jertólesinde qarasora ósirý úshin barlyq jaǵdaı jasalǵan. Jertóleniń qabyrǵalary penofolmen oqshaýlanyp, aýa aıdaıtyn ventılıatsııa iske qosylǵan. Jasandy jaryqtandyrý (fıtolampa) qoıylyp, qajetti temperatýrany ustap turý úshin radıator ornatylǵan.
Tintý kezinde ósirilgen qarasora men paıdalanýǵa daıyn turǵan marıhýana tabyldy.
Sot-medıtsınalyq saraptama qorytyndysyna sáıkes shamamen 600 gramm marıhýana jáne 3 túp qarasora butasy tárkilendi.
Qazirgi kezde QR QK 300-baby 1-bóligine sáıkes (quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sotqa deıingi tergeý amaldary júrgizilýde.
