Oral turǵyny úıin qoldan qarý-jaraq jasaıtyn sheberhanaǵa aınaldyrǵan
ORAL. QazAqparat - Oralda tokar zańsyz jolmen atys qarýyn jasady degen kúdikke ilindi, dep habarlaıdy QazAqparat.
Oblystyq polıtsııa departamentiniń málimetine sensek , óńir polıtseıleri zańsyz qarý aınalymy salasyndaǵy qylmystyń jolyn kesken.
28 qańtarda jedel-izdestirý sharalary barysynda saǵat 13.00-de qarý jasady degen kúdikpen 1959 jyly týǵan F. esimdi azamat ustalǵan.
Onyń turǵylyqty jerin tintý barysynda birqatar jaıt anyqtalǵan.
Kúdikti jatyn bólmesin qarý-jaraqty zańsyz jasaıtyn qolóner sheberhanasyna aınaldyrǵan.
Onyń birneshe ret atys qarýyn, olardyń komponentterin zańsyz óndirýmen nemese jóndeýmen, sondaı-aq oq-dárini zańsyz óndirýmen aınalysqany anyqtaldy.
«Qazirgi ýaqytta qarýdy, oq-dári, jarylǵysh zattar men qurylǵylardy zańsyz satyp alý, ótkizý, saqtaý, tasymaldaý nemese alyp júrý jáne qarýdy zańsyz daıyndaý faktileri boıynsha QR Qylmystyq kodeksiniń 287-baby 3-bóligi jáne 288-baby 2-bóligi boıynsha sotqa deıingi tergeý bastaldy» dep málim etti polıtsııa.
