Oral turǵyny óziniń dosyn uryp óltirdi

ORAL. QazAqparat - Oralda eki er adam janjaldasyp, sońy qaıǵyly aıaqtaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 18 qyrkúıek kúni saǵat 23.25-te boldy.

«Gastello kóshesinde ornalasqan úılerdiń birinde bir-birimen joldas-jora bolyp keletin eki er adam ishimdik ishken. Otyrys barysynda janjal týyndap, 1985 jylǵy er adam qolyna úshkir zat alyp, ózinen bir jas úlken azamattyń denesine zaqym keltirgen. Sonyń saldarynan 1984 jylǵy er adam jedel járdem kelgenge deıin oqıǵa ornynda kóz jumdy. Qazirgi kezde QR QK 99-baby 1-bóligine (kisi óltirý) sáıkes sotqa deıingi tergeý amaldary júrgizilip jatyr»,- dep habarlady vedomstvodan.

Eske sala keteıik, budan buryn Oralda 3 oqýshy qyzdy qaǵyp ketken júrgizýshiniń esirtki shegip alǵanyn jazǵan bolatynbyz.