Oral turǵyny óziniń búıregin shetelge satpaq bolǵan
ORAL. QazAqparat – Oralda 33 jastaǵy turǵyn óziniń búıregin shetelde satpaq bolǵan, dep habarlaıdy QazAqparat tilshisi.
BQO polıtsııa departamentinen málim etkenindeı, ol otany Kenııa Respýblıkasynda jasatý boıynsha mámile jasasqan.
30 shilde kúni QR ІІM uıymdasqan qylmysqa qarsy kúres departamentiniń úılestirýimen BQO PD uıymdasqan qylmysqa qarsy kúres basqarmasy kóliktegi uıymdasqan qylmysqa qarsy kúres basqarmasy qyzmetkerlerimen birlesip, adam organyn satý áreketin toqtatty.
Anyqtalǵanyndaı, 1990 jylǵy A. esimdi azamat – Oral qalasynyń turǵyny, otbasyly, vahtalyq ádispen jumys isteıdi. Aqshanyń jetispeýshiliginen osyndaı qadamǵa barmaq bolǵan.
Ol mamyr aıynda halyqaralyq ınternet-saıtta aqshalaı syıaqy úshin transplantatsııaǵa arnalǵan búırek organyn satý týraly habarlandyrý jarııalaǵan. Oǵan Telegram kanaly arqyly saıttyń qyzmetkerleri baılanysqa shyǵyp, ortaq mámilege kelý arqyly quny 20 myń AQSh dollaryn turatyn otany Kenııa Respýblıkasynda jasaýǵa kelisken.
«Eki aı boıy 33 jastaǵy turǵyn medıtsınalyq ortalyqtarda tapsyrǵan taldaý nátıjelerin Telegram kanaly arqyly jiberip otyrǵan. Saıt qyzmetkerleri oǵan jol júrý, elektrondy vıza úshin 250 AQSh dollary kóleminde aqsha jibergen. 30 shilde kúni polıtsııa qyzmetkerleri atalǵan azamatty Almaty qalasyndaǵy áýejaıdyń ushý aımaǵynan ustady. Odan ári tergeý áreketterin júrgizý úshin azamat Oral qalasyna jetkizilip, eshqaıda ketpeý týraly qolhat berildi. Atalǵan derek boıynsha QR QK 116-baby 1-bóligine sáıkes (adamnyń aǵzalary men tinderin alyp qoıýǵa májbúrleý nemese zańsyz alyp qoıý) sotqa deıingi tergeý amaldary júrgizilip jatyr», - dep habarlady vedomstvodan.
Aıta ketý kerek, Qazaqstanda adam organdaryn satýǵa tyıym salynady jáne transplantatsııa jasaýdyń jalǵyz joly — onyń týysynyń óteýsiz qaıyrymdylyǵy nemese qaıtys bolǵan adamnyń týystarynyń kelisimimen organdy transplantatsııalaý.
