Oral turǵyny kópqabatty úı kireberisinde 2 adamdy pyshaqtady
BQO Polıtsııa departamentiniń baspasóz qyzmetinen málim etkenindeı, oqıǵa 26 sáýir kúni saǵat 00.10-da Qurmanǵazy kóshesi boıyndaǵy úıdiń kireberisinde boldy.
«Buryn sottalǵan 1983 jylǵy turǵyn 1988 jylǵy áıel men 1989 jylǵy er adamdy pyshaqtaǵan. Sonyń saldarynan áıel oblystyq kópbeıindi aýrýhananyń jansaqtaý bólimine jatqyzyldy. Er adam dáriger qaraǵannan keıin úıine jiberildi. Qazirgi kezde QR QK 106-baby 1-bóligine (qasaqana aýyr dene jaraqatyn salý) sáıkes sotqa deıingi tergeý amaldary júrgizilýde», - dep habarlady vedomstvodan.
Oblystyq Densaýlyq saqtaý basqarmasynyń naqtylaýynsha, oqıǵa Qurmanǵazy kóshesi 163-úıde bolyp, jedel járdemge saǵat 00.20-da qońyraý shalyndy. Brıgada jetken kezde keýde tusy men jambasynan pyshaq jaraqatyn alǵan áıel páterden tabylǵan. Іshinen jaraqat alǵan er adam mas kúıinde kóshede bolǵan.
Eske sala keteıik, budan buryn Oralda bir kúnde eki jol apatynan bes bala zardap shekkenin jazǵan bolatynbyz.