Oral turǵyny kisi óltirip, máıitti kereýetiniń astyna jasyryp kelgen
ORAL. QazAqparat - BQO qylmystyq ister jónindegi mamandandyrylǵan aýdanaralyq sotynda kisi óltirgen 1961 jylǵy Serikjan Ádilovke qatysty úkim shyǵaryldy, dep habarlaıdy QazAqparat tilshisi.
Sot talqysynda málim bolǵandaı, atalǵan turǵyn «Ǵımarat» JShS-da kúzetshi bolyp jumys istep, sonda turǵan.
3 naýryz kúni keshkisin jumystaǵy áriptesi Marat Shernııazovpen birge araq ishken. Sonyń barysynda urys-keris týyndap, Shernııazov Ádilovti soqqan. Oǵan jaýap retinde Ádilov bótelkelesiniń betinen urǵanda, ol esinen tanyp qalǵan. Sosyn Shernııazovtyń ústine shyǵyp alyp, óltirgenshe soqqynyń astyna alǵan. Sodan keıin múrdeni kereýettiń astyna jasyryp, ózi uıyqtaǵan.
Ádilovtiń sottaǵy sózine qaraǵanda, marqum JShS quryltaıshysynyń týysy bolǵandyqtan, ony udaıy kemsitip júrgen.
Múrde tek 30 naýryz kúni tabylǵan. Júrgizýshi M.Júsipov Ádilovtiń bólmesine stakan alý úshin barǵanda, ıisti sezgen. Kereýettiń astynan múrdeni taýyp alǵannan keıin dırektor S Muqanovqa qońyraý shalǵan, ol polıtsııa qyzmetkerlerin shaqyrǵan.
Úkimdi sýdıa Baqyt Ermahanov jarııa etti.
S Ádilov QR QK 99-baby 1-bóligine sáıkes aıypty dep tanylyp, 10 jylǵa bas bostandyǵynan aıyrý jazasyn qaýipsizdigi joǵary qylmystyq-atqarý júıesi mekemesinde óteýge sottaldy.
Úkim zańdy kúshine engen joq.
