Oral turǵyny esirtki salynǵan paketti jutyp qoımaq boldy
BQO Polıtsııa departamentinen málim etkenindeı, jedel izdestirý is-sharasy barysynda polıtsııa qyzmetkerleri «Skoda Octavia» kóligin toqtatqan. Іshinde eki er adam otyrǵan.
Polıtseıler kólikten shyǵýdy suraǵan ýaqytta, olardyń biri shaǵyn pakettiń ishindegi aq untaqty aýzyna tógip jiberýge tyrysqan. Biraq buǵan polıtseıler múmkindik bergen joq.
Aq krıstaldy zattar salynǵan paketterden bólek, eki jas jigitten tirkelmegen travmatıkalyq qarý tabyldy. Olardy tasymaldap bara jatqan er adam taksı júrgizýshisi bolyp shyqty.
«Kúdiktilerge qatysty QR QK 296-babyna (quramynda esirtki bar preparattardy zańsyz qoldaný) sáıkes qylmystyq is qozǵaldy. Birneshe saraptama taǵaıyndaldy. Taksı júrgizýshisi avtokóligine otyrǵandardyń ne tasymaldap júrgenin bilmegen. Qazirgi tańda sotqa deıingi tergeý amaldary júrgizilýde», - dep habarlady vedomstvodan.
