Oral turǵyny «Chto? Gde? Kogda?» bilgirlerinen jarty mln rýbl utyp aldy
ASTANA. QazAqparat - Oral turǵyny Borıs Krasnıkov Reseıdiń Birinshi arnasynda kórsetilgen «Chto? Gde? Kogda?» oıynshylarynan jarty mıllıon rýbl utyp aldy, dep habarlaıdy QazAqparat óńirlik «Moı gorod» portalyna silteme jasap.
B.Krasnıkovtyń tis şetkasy týraly suraǵy «Chto? Gde? Kogda?» oıynynyń qysqy serııasynyń fınalynda qoıylǵan.
«Bizdiń qyzmetkerler sizderge táýlik boıy qyzmet etedi. Dál osyndaı jazý bir kompanııanyń plakatynda kórsetilgen. Sonymen birge, plakatta er adam beınelengen, onyń jeıdesiniń qaltasynda qalamsap, marker jáne úshinshi zat qara jáshikte jasyrylǵan», - degen suraqqa tájirıbeli oıynshy Vıktor Sıdnev bastaǵan komanda durys jaýap bere almady.
Suraqtyń jaýaby tis şetkasy bolyp shyqty. Nátıjesinde oraldyq Borıs Krasnıkov 461 myń rýbl jeńip aldy.
Aıta keteıik, «Chto? Gde? Kogda?» teleoıyny KSRO-da rejısser Vladımır Voroshılov pen redaktor Natalıa Stetsenkonyń ıdeıasymen qurylǵan. Baǵdarlamanyń alǵashqy shyǵarylymy 1975 jyldyń 4 qyrkúıeginde efırden kórsetilgen.
Oıyn erejesine sáıkes, «Telekórermender toby» men «Bilgirler toby» saıysqa túsedi. Telekórermender bilgirlerge suraq qoıady, a olar onyń jaýabyn bir mınýtta berýi tıis. Durys jaýap berse, bilgishter upaıǵa ıe bolady. Qatelesken jaǵdaıda upaıdy telekórermender ıelenedi. Upaıdan bólek, telekórermenderge aqshalaı syılyq beriledi.
