Oral turǵyny áıelin tutqynǵa aldy: polıtsııa kelissóz júrgizip jatyr
ORAL. QazAqprat – Oralda er adam óz áıelin tutqynǵa aldy, dep habarlaıdy QazAqparat óńirlik polıtsııa departamentiniń baspasóz qyzmetine silteme jasap.
Polıtsııa málimetinshe, búgin saǵat 13:10-da 102 nómirine er adamnyń notarıýs keńsesinde esikti jaýyp, áıelin ustap otyrǵany týraly habar túsken. Er adamnyń qolynda pyshaq pen granataǵa uqsas zat bar. Oqıǵa ornyna barlyq jedel qyzmetter shuǵyl jetti.
Besqabatty turǵyn úıdiń barlyq turǵyny evakýatsııalanyp, úıdiń aýmaǵy qorshaýǵa alyndy.
Polıtsııa qyzmetkerleri er adammen kelissóz júrgizýge tyrysyp baǵýda.
Oqıǵa ornynda Batys Qazaqstan oblystyq polıtsııa departamenti bastyǵynyń mindetin atqarýshy Serik Súıinbaev júr.
Er adamnyń kim ekeni anyqtaldy. Qazirgi tańda erli-zaıyptylardyń ajyrasyp jatqany belgili boldy.
