Oral turǵyny áıelge pyshaq salyp, ózin de aýyr jaraqattady
ORAL. QazAqparat - Oralda 24 jastaǵy turǵyn áıelge pyshaq salyp, ózin de aýyr jaraqattady, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 26 sáýir kúni saǵat 10.00 shamasynda boldy.
Ábýbákir Kerderi kóshesi 92-úıdiń aýlasynda 1995 jylǵy A. degen azamat 1989 jylǵy A. esimdi azamatshaǵa pyshaq jaraqattaryn salǵan.
Atalǵan oqıǵa boıynsha Abaı polıtsııa bólimi QR QK 106-baby 1-bóligine sáıkes (qasaqana aýyr dene jaraqatyn keltirý) sotqa deıingi tergeý amaldaryn júrgizýde.
Kýágerlerdiń sózine qaraǵanda, jigit sodan keıin ózine de qol jumsaǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, áıel kóptegen pyshaq jaraqatyn alǵan. Jigitte de sondaı jaraqat bar.
«Jaǵdaılary aýyr, oblystyq kópbeıindi aýrýhanada jatyr, ota jasaldy», dedi QazAqparat tilshisine A.Saqposynova.
Eske sala keteıik, budan buryn Oralda úsh avtokólik túıisip, bir adamnyń jaraqat alǵanyn jazǵan bolatynbyz.
