Oral turǵyny 70 myń teńgeniń dári-dármegin ruqsat qujatynsyz satqan

ORAL. QazAqparat - Oralda ruqsat qujatynsyz tapshy dári-dármekti satý faktisi anyqtaldy, dep habarlaıdy QazAqparat Qarjy monıtorıngi komıtetine silteme jasap.

Komıtettiń Batys Qazaqstan oblysy boıynsha Ekonomıkalyq tergeý departamentiniń qyzmetkerleri oblystyq prokýratýramen birlesip, ruqsat qujattynsyz tapshy dári-dármekterdi satý faktisin anyqtady.

«Birlesken tekserý barysynda Oral qalasynyń turǵyny jalpy somasy 70 000 teńgege «Ingavırın 90», «Ksarelto», «Atsetılsalıtsıl qyshqyly» dárilik preparattaryn satqandyǵy belgili boldy. Alaıda, atalǵan tulǵanyń sáıkes ruqsat qujattary bolmaǵan», delingen habarlamada.

Jınaqtalǵan materıal aıypty tulǵany ákimshilik jaýapkershilikke tartý úshin ókiletti organǵa joldandy.