Oral turǵyndary erteńnen bastap jolaqyny SMS-pen tóleı bastaıdy
ORAL. QazAqparat - Oral qalasynda 8 qarashadan bastap «SMS BUS» jolaqy tóleýdiń elektrondy júıesi iske qosylmaq. Bul týraly búgin óńirlik kommýnıkatsııalar qyzmetinde Oral qalasy ákimdigi jolaýshylar kóligi jáne avtomobıl joldary bóliminiń basshysy Qaırat Muhambetqalıev málim etti, dep habarlaıdy «QazAqparat» tilshisi.
«SMS BUS» júıesiniń eń basty ereksheligi - qala bıýdjetine, jolaýshylarǵa jáne avtobýs parkterine eshqandaı salmaq salmaıdy (mysaly, avtokólikke arnaıy qural ornatýdyń, jolaýshylar úshin tólem kartalaryn satyp alyp, oǵan turaqty túrde qarjy salyp otyrýdyń qajeti joq), tólem quraly retinde ár azamattyń qolyndaǵy derbes uıaly telefony ǵana qoldanylady.
Q.Muhambetqalıevtiń atap ótkenindeı, «SMS BUS» júıesi dástúrli qolma-qol tólem júıesine balama ǵana, ıaǵnı jolaýshy jolaqysyn qolma-qol da, uıaly telefony nemese bank kartochkasy arqyly da tóleı alady.
«SMS BUS» kompanııasynyń ókili Serjan Idııatovtyń aıtýynsha, bank kartasy arqyly tólem jasaý úshin jolaýshy smsbus.kz saıtyna kirip, banktik kartasyn tirkeýi tıis. (VISA jáne Master Card, kez kelgen bankte komıssııasyz).
Budan bylaı árbir qoǵamdyq kólikke SMS arqyly tólem jasaýdy túsindiretin jazbasha aqparat paraǵy jabystyrylatyn bolady. Jolaqyny tóleý úshin jolaýshy kóliktiń kodyn (sandar) kórsete otyryp, 2505 qysqa nómirine (nómir Qazaqstanǵa ortaq, sms joldaý - tegin) SMS joldaıdy. Elektrondy tólem qabyldanǵannan keıin jolaýshyǵa tólem jasalǵandyǵyn aıǵaqtaıtyn, SMS habarlama túrindegi saýda chegi (elektrondy bılet) beriledi.
