Oral turǵyny úsh jyl degende ázer kórshisi zańsyz ıemdenip alǵan jer telimin qalpyna keltirdi

ORAL. KAZINFORM – Oral turǵyny bir bóligin kórshisi óz betinshe ıemdenip alǵan jer telimine zańdy quqyǵyn qalpyna keltirýge úsh jyldan astam árekettengen. Bul týraly Joǵarǵy sot málim dedi.

— Kórshisi basqa menshik ıesiniń quqyǵyn esepke almaı, óz jer teliminiń shekarasyn óz erkimen belgilegen. Naqty aýmaq pen memlekettik aktide kórsetilgen derekterdiń sáıkes kelmeýine baılanysty talap qoıýshyǵa jer telimin kelisýden birneshe ret bas tartylǵan. Talap qoıýshy kórshisiniń jer telimin úılestirý jónindegi memlekettik organnyń áreketin zańsyz dep tanýyn talap etip, onyń jer teliminiń belgilengen shekarasyn buzǵandyqtan sotqa júgingen, — delingen habarlamada.

Birinshi satydaǵy sot talap qoıýddy qanaǵattandyrýsyz qaldyrǵan. Alaıda apellıatsııalyq sot bul sheshimniń kúshin joıyp, talap qoıýshy jaǵyna shyqty. 

— Sotta anyqtalǵandaı, memlekettik organnyń talap qoıýshynyń jer telimin kelisýden bas tartýyna kórshisiniń quqyq belgileıtin qujattardy teksermeı, óz múddesi úshin shekaralardy kelisý jumystaryn júrgizgen áreketi sebep bolǵan, — dep habarlady Joǵarǵy sottan.

Kórshisi úılestirýdi birinshi bolyp júzege asyrdy dep málimdep, talap qoıýshydan óz jer teliminiń konfıgýratsııasyn ózgertýdi, onyń aýdanyn tıimdi azaıtýdy talap etken.

— Sot memlekettik organnyń bul ustanymyn zańsyz dep tapty, sebebi ol talap qoıýshynyń quqyǵyn buzǵan. Memlekettik organ daýdyń mánine úńilmeı, talap qoıýshynyń ýájderin ústirt qarastyrǵan. Kórshiniń jer telimin úılestirý ol óz betinshe anyqtaǵan shekaralarǵa sáıkes júzege asyrylǵan. Bul rette onyń jer teliminiń naqty eni memlekettik aktide kórsetilgen ólshemderden asyp ketken, — delingen habarlamada.

Kıkiljiń birneshe jyldan beri jalǵasyp keledi jáne ony tek jer telimin jańadan úılestirý arqyly sheshýge bolady. Tatýlasý týraly birneshe ret usynys jasaǵanymen, kórshi ymyraǵa kelýden bas tartqan.

Sot talap qoıýshynyń kórshisi sııaqty óz jer telimin kelisý quqyǵy bar ekenin kórsetti. Degenmen, qazirgi shekaralardy qaıta qaraýsyz muny isteý múmkin emes. Kórshiniń jer telimin kelisý zańsyz dep tanyldy.

Memlekettik organǵa talap qoıýshynyń buzylǵan quqyqtaryn qalpyna keltirý tapsyryldy.

Apellıatsııalyq sot alqasynyń qaýlysy zańdy kúshine endi.

Eske sala keteıik, buǵan deıin Mańǵystaýda anasynyń atyna jer rásimdegen aýyl ákimi aıyppul tólegenin jazǵan edik.