Oral turǵyny 29 jastaǵy qyzdy jezókshelikpen aınalysýǵa májbúrlegen
ASTANA. KAZINFORM - Polıtsııa qyzmetkerleri qyz balany jezókshelikpen aınalysýǵa májbúrlegen Oral qalasynyń turǵynyn anyqtady.
BQO PD Uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharasy barysynda uzaq ýaqyt boıy qorqytyp, kúsh kórsetý arqyly 1995 jyly týǵan qyzdy jezókshelikpen aınalysýǵa májbúrlep kelgen oblys ortalyǵynyń turǵynyn ustady.
Jezókshelikpen aınalysýǵa májbúrleý faktisi boıynsha sotqa deıingi tergeý amaldary júrgizilýde.
Qazaqstan Respýblıkasy Qylmystyq-protsestik kodeksiniń 201-babyna sáıkes ózge málimetter jarııa etýge jatpaıdy.
