Oral turǵyndary qysqa qajet kókónis pen etti qoljetimdi baǵaǵa satyp aldy

ORAL. KAZINFORM - Batys Qazaqstan oblysynda qala turǵyndary úshin aýyl sharýashylyǵy taýar óndirýshileriniń qatysýymen jármeńkeler uıymdastyrý ıgi dástúrge aınaldy.

Saýda jáne ıntegratsııa mınıstrligi málimetinshe, jergilikti atqarýshy organdardyń uıymdastyrýymen kezekti jármeńke M.Ihsanov kóshesinde ótti.

Jármeńkege qala men aýdan taýar óndirýshileri qatysty. Sharýalar qala turǵyndary úshin keń assortımentte et ónimderin (sıyr eti, jylqy eti, shoshqa eti, qoı eti) usyndy. Mysaly, sıyr jáne jylqy eti 2700 teńgeden satyldy.

Fermerlik sharýashylyqtar qus etin, ıaǵnı taýyq, úırek, kúrke taýyq ónimderin usyndy. Jármeńkede joǵary sapaly keń assortımentte shujyq jáne sút ónimderi, kondıterlik ónimder men balyq ónimderi de boldy.

Qala turǵyndary qysqa qajetti kókónis qoryn qoljetimdi baǵaǵa satyp alý múmkindigine ıe boldy.

Jármeńkeler jergilikti atqarýshy organdar bekitken kestege sáıkes 2025 jyldyń sońyna deıin eki lokatsııada ótedi: M. Ihsanov kóshesinde jáne Zachagansk kentinde.

Aıta keteıik, Qaraǵandydaǵy jármeńkede sharýalar 50 tonnadan asa sıyr etin usyndy.

Qazaqstan qalalarynda soǵym baǵasy qansha teńge ekenin jazǵan bolatynbyz.

Depýtat Qyryqbaev et eksportyna salynǵan tyıymdy joıýdy surady.