Oral Muhamedjanov Jeńis eskertkishine gúl shoǵyn qoıý rásimine qatysty
TANA. 26 qazan. QazAqparat - Mınskide resmı saparda júrgen QR Parlamenti Májilisiniń Tóraǵasy Oral Muhamedjanov búgin Ujymdyq qaýipsizdik sharty uıymynyń Parlamenttik Assambleıasy (UQShU PA) Keńesiniń atynan Jeńis eskertkishine gúl shoǵyn qoıý rásimine qatysty,
dep habarlaıdy Májilistiń baspasóz qyzmeti.
Mınsk qalasynyń Jeńis alańynda 38 metrlik eskertkish ornatylǵan. Beınelengen Jeńis ordeniniń kólemi úsh metrdeı.
Eskertkishtiń aldynda máńgilik alaý janyp tur. Alǵash ret alaýdy 1961 jylǵy 3 shildede Keńes Odaǵynyń Batyry, Mınsk qalasynyń qurmetti azamaty, general-polkovnık A.S. Býrdeınyı jaqty.
Eskertkish kesheni Uly Otan soǵysyndaǵy erlikti beıneleıtin belgilerge toly, sonymen qatar Belarýs elin jaýdan azat etken bozdaqtarǵa arnalǵan memorıaldyq zal da bar.
Búgin Ujymdyq qaýipsizdik sharty uıymyna kiretin elder parlamentteriniń jetekshileri Belarýs Respýblıkasynyń Prezıdenti Aleksandr Lýkashenkomen kezdesýden keıin UQShU PA Keńesiniń otyrysyna qatysty.
