Oral men Tasqala arasynda jol jabyldy

ORAL. QazAqparat - «QazAvtoJol» ulttyq kompanııasy aýa raıyna baılanysty Batys Qazaqstan oblysy turǵyndaryna eskertý jasady, dep habarlaıdy QazAqparat.

Kompanııa taratqan málimetke sensek, 17 qarasha BQO ýaqytymen túngi saǵat 23.30-dan bastap «Oral-Tasqala» tasjolynyń 4-104 shaqyrym aralyǵynda avtokóliktiń barlyq túriniń qozǵalysyna tyıym salynǵan.

Joldy jabýǵa aýa raıynyń nasharlaýy, boran men kóktaıǵaq sebep bolǵan.

Qazir jolshy mamandar kóktaıǵaqty joıý maqsatynda jumys júrgizip jatyr.

«Kúre joldaǵy ahýal «QazAvtoJol» UK» AQ Batys Qazaqstan oblysy fılıalynyń jiti baqylaýynda» deıdi kompanııadan.