Oral men Atyraýda júrgizýshi kýáligin beretin HQKO ashylady - mınıstr
ASTANA. QazAqparat - 2018 jyly Oral men Atyraý qalalarynda kólik quraldaryn tirkeý men júrgizýshi kýáligin usynatyn mamandandyrylǵan Halyqqa qyzmet kórsetý ortalyqtary ashylady, dep habarlaıdy «QazAqparat» HAA tilshisi.
QR Aqparat jáne kommýnıkatsııalar mınıstrliginiń keńeıtilgen alqa májilisinde atalǵan vedomstvonyń basshysy Dáýren Abaev memlekettik qyzmetter salasynda tsıfrlyq júıelerdi damytý baǵytyna toqtaldy.
«Bıyl «Paper free» nemese «Anyqtamasyz qyzmetter» jobasy belsendi túrde engizilip jatyr. Ol jobalardyń iske asýy memlekettik organdardyń bir-birinen anyqtama surap júretin mashaqatty joımaq», - deıdi mınıstr.
Dáýren Abaev óz sózinde mamandandyrylǵan HQKO-lar týraly jaıynda sóz qozǵady.
«Sonymen qatar, oblys ortalyqtarynda kólik quraldaryn tirkeý men júrgizýshi kýáligin usynatyn mamandandyrylǵan Halyqqa qyzmet kórsetý ortalyqtaryn ashý boıynsha jumys jalǵasatyn bolady. Osylaısha, 2018 jyly atalǵan baǵytta qyzmet usynatyn HQKO-yn Oral men Atyraý qalalarynda ashý josparlanǵan», - dedi mınıstr.
Sonymen birge, osy jyly Prezıdenttiń aıtqan tapsyrmalaryna sáıkes, Memlekettik korporatsııalar men onyń óńirlerdegi fılıaldary azamattardy tsıfrlyq daǵdyǵa úıretýdi, ásirese elektrondy úkimet portalyndaǵy qyzmetterdi alý qyzmetterin meńgertýdi jalǵastyra bermek.
