Oral men Almatynyń voleıbolshylary el kýbogynyń jartylaı fınalyna merziminen buryn qol jetkizdi
ALMATY. 23 qazan. QazAqparat - Búgin Hromtaýda voleıboldan erler arasynda HHІ Qazaqstan kýbogynyń shırek fınaldyq oıyndary aıaqtalady.
Onda 6 kezdesýdiń qorytyndysy boıynsha 16 upaı jınaǵan «Kondensat-Jaıyqmunaı» (Oral) men «Almaty» 15 upaımen jartylaı fınaldyń joldamasyna merziminen buryn qol jetkizdi. Búgin endi kelesi 2 joldamanyń ıesi anyqtalady. Bul synda 11 upaıy bar Pavlodar» men «TNK Qazhromynyń» (Hromtaý) múmkindigi mol. Atap aıtqanda aqtyq kezdesýde pavlodarlyqtar qorjyny bos kele jatqan kósh sońyndaǵy almatylyq «Ushqyn QazUAÝ» komandasymen, hromtaýlyqtar 7 upaımen kestede 6-shy «Atyraý» voleıbolshylarymen kúsh synaspaq. Al oraldyqtar 8 upaımen 5-oryndaǵy Óskemenniń «Shyǵys-QorǵasynQurylysymen», almatylyqtar 4 upaımen 7-shi turǵan Qyzyljardyń «Esil» komandasymen kezdesedi.
