Oral kóshesiniń joldary eýropalyq tehnologııamen jóndelip jatyr
ORAL. QazAqparat - Oral qalasynda bıyl 67 kósheniń joldaryn jóndeýge túrli qarjy kózderinen 8,1 mlrd teńge bólinip, aýqymdy jumystar atqaryldy, dep habarlaıdy «QazAqparat» tilshisi.
Qala ákimi Murat Muqaevtyń aıtýynsha, 61 kóshedegi jóndeý jumysy tolyq bitti. 6 kóshe aldaǵy jylǵa aýysady.
Elbasy tapsyrmasyna sáıkes ótken jyly 23 km jol jóndeýge 2,3 mlrd teńge jumalsa, bıyl 73 km jolǵa 8,1 mlrd teńge qaraldy, bul ótken jylǵydan 3,5 esege kóp. Mundaı kólemdegi jóndeý Oral qalasynda bolǵan emes. Oǵan qosa 40 km trotýar jóndeldi, bul jumystar 90 paıyzǵa atqaryldy.
«Aldaǵy jyly da jumys kólemi budan kem bolmaıdy. Áleýmettik nysandarǵa jol tartyp, qalaishilik joldardy jóndeýdi jalǵastyramyz. Qaladaǵy jol qurylysyn úsh jylda aıaqtaýdy kózdep otyrmyz», dedi «QazAqparat» tilshisine M.Muqaev.
Qazirgi kezde Oralda jalpy jol uzyndyǵy 615,15 km bolsa, sonyń 48 paıyzdan astamy ǵana asfalttandyrylǵan.
Aıta keteıik, bıyl jol qurylysynda eýropalyq tehnologııa qoldanyldy, bul paıdalaný merzimin arttyrady.
2017 jyly Batys Qazaqstan oblysynda barlyǵy 500 km jol salynyp, jóndelýde.
