Oral kóshesinde pyshaqpen júrgen er adam ustaldy
ORAL. QazAqparat - Oralda Ulttyq ulan jaýyngerleri pyshaqpen júrgen er adamdy ustady, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, quramynda qatardaǵy jaýyngerler Aqjan Tumataev, Aqylbek Sársenbaev, Anatolıı Faý bar top qala kóshesinen kúdikti er adamdy baıqaıdy.
Top basshysy A.Tumataev Ulttyq ulan jaýyngerlerin kórgen boıda baǵytyn ózgertip, sytylyp ketpekshi bolǵan adamnyń qujattaryn tekserý jóninde sheshim qabyldady.
Aqyry kúdiktini ustap, kýálerdiń qatysýymen teksergen kezde odan pyshaq tabyldy. Er adam odan ári anyqtaý úshin Oral qalalyq ishki ister basqarmasyna jetkizildi.
Qyraǵylyqtary men batyl qımyldary úshin atalǵan jaýyngerler 5517-áskerı bólim komandırimen yntalandyryldy.
