Oral qalasynyń turǵyny jalǵan qujattarmen sheteldik kólikti zańdastyrmaq bolǵan
BQO polıtsııa departamentiniń baspasóz qyzmetinen málim etkenindeı, qujattardy zerdeleý kezinde avtoınspektor onyń jalǵan ekendigin anyqtady.
Qazirgi ýaqytta polıtseıler barlyq mán-jaıǵa kóz jetkizý úshin avtokólikti esepke alý bazalary boıynsha tekserý júrgizýde.
25 sáýir kúni 1991 jylǵy K. degen turǵyn jalǵan qujattardy paıdalana otyrypp, 2010 jyly shyǵarylǵan «Toıota Kamrı» avtokóligin arnaıy HQKO-da resimdemek bolǵan. Kólik quraly barlyq jaǵdaı belgili bolǵanǵa deıin mamandandyrylǵan avtoturaqqa ornalastyryldy.
«BQO polıtsııa departamenti ákimshilik polıtsııasy basqarmasynyń aǵa memlekettik avtoınspektory sarapshy krımınalıstiń qorytyndysy qoldan jasalǵanyn anyqtady. HQKO-dan túsken arnaıy qujattardy tekserý kezinde reseılik nómirli «Toıota Kamrı» avtokóliginiń 2022 jylǵy qarashada tirkelgeni jáne krımınalısten tekseristen ótkeni kúdik týǵyzdy. Óıtkeni avtokólikti turǵyn Shyǵys Qazaqstan oblysyna aýmaqtan tys tásilmen jarııa etýge tyrysqan. QR ІІM-niń bazalary arqyly K-ǵa berilgen sarapshynyń qorytyndysy jalǵan bolyp shyqty, sebebi qorytyndyda kórsetilgen tegi bar krımınalıst joq. Osy derek boıynsha QR QK 385-baby 3-bóligine (kórineý jalǵan qujatty paıdalaný) sáıkes sotqa deıingi tergeý amaldary júrgizilýde. Bul bap boıynsha aıypty dep tanylǵan adam bir júz alpys aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne bir júz alpys saǵatqa deıingi merzimge qoǵamdyq jumystarǵa tartýǵa ne qyryq táýlikke deıingi merzimge qamaqqa alýǵa jazalanady», dep habarlady vedomstvodan.
Kúni búginge deıin óńirde 9 284 ótinish (saqtandyrý kompanııalarynyń derekteri boıynsha 12 myń avtokóliktiń 77 paıyzy) tússe, sonyń 8 094-i zańdastyryldy. Munyń 6 462-si Reseıden ákelingen.
Eske sala keteıik, budan buryn BQO-da júrgizýshiniń avtokólikti kýáliksiz aıdap, er adamdy qaǵyp ketkenin jazǵan bolatynbyz.
