Oral qalasynyń turǵyny qoldan jasalǵan alkogol ónimin satqan
ORAL. QazAqparat – Oral qalasynyń turǵyny qoldan jasalǵan alkogol ónimin satqan, dep habarlaıdy QazAqparat tilshisi.
BQO boıynsha ekonomıkalyq tergeý departamentiniń qyzmetkerleri sýrrogatty alkogol ónimin ótkizý deregin anyqtady.
Departament málim etkendeı, jedel izdestirý sharalary barysynda Oral qalasynyń turǵyny úıinde qoldan jasalǵan alkogol ónimin satqany belgili boldy.
Qala turǵyny atalǵan ónimdi 5 lıtrlik ydysta 7 myń teńgege ótkizgen.
Barlyǵy 85 lıtr qoldan jasalǵan alkogol ónimi tárkilendi.
Qazirgi kezde atalǵan derek boıynsha materıaldar aıypty tulǵany ákimshilik jaýapkershilikke tartý úshin BQO polıtsııa departamentine joldandy.
