Oral qalasynyń turǵyny 4 kg esirtkimen ustaldy
ORAL. QazAqparat – Oral qalasynyń turǵyny asa iri kólemdegi esirtkimen ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 1970 jylǵy turǵynnyń mekenjaıynan tabylǵan esirtki saraptama qorytyndysyna sáıkes keptirilgen marıhýana bolyp shyqty.
Tárkilengen esirtkiniń jalpy salmaǵy 4 kelideı boldy.
Kúdiktige qatysty QR QK 296-baby 4-bóligine sáıkes (asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) qylmystyq is qozǵalyp, tergeý amaldary júrgizilýde.
Bul bap boıynsha aıyptyǵa 3 jyldan 7 jylǵa deıin bas bostandyǵynan aıyrý jazasy qoldanylady.
Sonymen qatar 1985 jylǵy áıel esirtki zatyn ótkizý sátinde qolǵa tústi. Saraptama qorytyndysyna sáıkes bul 0,1800 gramm sıntetıkalyq esirtki bolyp shyqty.
Sondaı-aq polıtseıler 1999 jylǵy turǵyndy ustady. Ol er adamǵa 0,0170 gramm alfa-pırrolıdınovalerofenon esirtki zatyn satqan.
Bul kúdiktilerge QR QK 297-baby 1-bóligine (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sáıkes aıyp taǵyldy.
Olarǵa múlkin tárkileýmen birge 5 jyldan 10 jylǵa deıin bas bostandyǵynan aıyrý jazasy kesilýi múmkin.
