Oral qalasynyń turǵyndary taǵy sýsyz qaldy
ORAL. QazAqparat – Oral qalasynyń bir bóligi taǵy da sýsyz qaldy, dep habarlaıdy QazAqparat tilshisi.
Batys Qazaqstan oblystyq Tótenshe jaǵdaılar departamentiniń baspasóz qyzmetinen málim etkenindeı, 12 tamyz kúni saǵat 12.30-da Eýrazııa dańǵyly, 64 mekenjaıy mańynda káriz kollektory jaryldy.
Qazirgi kezde apattyń sebebi anyqtalý ústinde.
Apatqa baılanysty búgin saǵat 07.00-den bastap temirjol vokzalynan N.Nazarbaev dańǵylymen Saraıshyq kóshesine deıin, odan 2-baza aýdanyna deıin (5194 abonent) sý berý toqtatyldy.
Sý tasymaly uıymdastyryldy.
Oqıǵa ornynda «Batys sý arnasy» JShS-nyń brıgadasy (12 qyzmetker, 3 tehnıka) jóndeý-qalpyna keltirý jumystaryn júrgizýde.
Turǵyndardyń sózine qaraǵanda, sý Zachagan kentinde de joq.
Aıta keteıik, Oral qalasynda aýyzsý problemasy kópten beri týyndap keledi. Turǵyndar kezekti ret sýsyz qalǵan bıylǵy shilde aıynda BQO ákimi Ǵalı Esqalıev jaǵdaıǵa túsinik bergen bolatyn.
Bıylǵy maýsym aıynda Oraldaǵy Zachagan kenti de sýsyz qalǵanyn jazǵan edik.
