Oral qalasynyń kóshelerin sý basty

ORAL. QazAqparat – Oral qalasynda jańa jyl aldynda jaýǵan qar qaıta erip jatyr, dep habarlaıdy QazAqparat tilshisi.

Batys Qazaqstan oblysynda jeltoqsanda qarsyz, qara sýyq qys bolyp, mal-janǵa qıyn tıip edi.

Jańa jylǵa tek úsh kún qalǵanda, úzbeı qar jaýyp, jurtty qýantqan bolatyn. Áıtse de 1 qańtarda keshkisin qar erip, túnde jańbyr jaýdy. Qardyń erýi 2 qańtar kúni de jalǵasty. Sonyń saldarynan Oral qalasynyń kóshelerine sý toldy. Oǵan qosa kóktaıǵaqtyń kesirinen júrip-turý qıyndady.

Oral qalasy ákiminiń baspasóz qyzmetinen málim etkenindeı, 11 arnaıy tehnıka sý sorý jumystaryn júrgizýde. Eki kúnniń ishinde 330 tekshe metr sý soryldy.

Eki aýysymda 360 adam jumys isteýde. Barlyǵy 90 tehnıka tartylǵan. Qalada sý sorý, tazartý jumystary jalǵasýda.

Jalpy, Batys Qazaqstan oblysynda aýa raıy qubylmaly bolyp tur.

BQO TJ departamentiniń habarlaýynsha, 3 qańtar kúni de eskertý jarııalandy. Oblysqa qosa Oral qalasynda tuman túsip, kóktaıǵaq bolady. Qazir jel kúsheıip tur.

Eske sala keteıik, budan buryn Qazaqstannyń 13 óńirinde aýa raıyna baılanysty eskertý jarııalanǵanyn jazǵan bolatynbyz.

Foto – «Jaıyq taza qala» JShS.