Oral qalasynyń birqatar bóligi jaryqsyz qaldy
ORAL. QazAqparat – Qolaısyz aýa raıyna baılanysty Oral qalasynyń birqatar bóligi elektr jaryǵynsyz qaldy, dep habarlaıdy QazAqparat tilshisi.
Qala ákimdiginen túsken málimetke qaraǵanda, jekelegen aýmaqta elektr jaryǵy qalpyna keltirildi.
Qazirgi tańda Derkól aýylynda ishinara jaryq joq. Abonentter sany – 75.
Týbdıspanser mańynda (25 abonent) da jaryq sóngen. Eki aýdanda elektr jelisin 28 jeltoqsan kúni túske deıin jóndeý kózdelýde.
«Juldyz» shaǵynaýdanynda (100 abonent), sondaı-aq Zachagan kentinde 152-atqyshtar dıvızııasy kóshesinde (25 abonent) jaryqty brıgada kóp uzamaı qalpyna keltirmekshi.
Oqıǵa oryndarynda 2 brıgada (7 adam, 2 tehnıka) jumys jasaýda.
Eske sala keteıik, budan buryn Batys Qazaqstanda aýa raıynyń nasharlaýyna baılanysty jol jabylǵanyn, taǵy bir jolda kólik qozǵalysy shektelgenin jazǵan bolatynbyz.
