Oral qalasynyń 54 mektebi tumaýdyń órshýine baılanysty karantınge jabyldy
ASTANA. Jeltoqsannyń 1-i. QazAqparat - Jedel respıratorly vırýsty ınfektsııany juqtyrý úderisiniń órshýine baılanysty Oral qalasynyń 54 mektebi karantınge jabyldy,
dep habarlaıdy QazAqparat TJM-ǵa silteme jasap.
Mınıstrlikten habarlanǵandaı, Oral qalasynda oqýshylardyń arasynda jedel respıratorly vırýsty ınfektsııamen naýqastaný úrdisiniń órshýine baılanysty jáne Densaýlyq saqtaý mınıstrligi Batys Qazaqstan oblysy boıynsha Memlekettik epıdemıologııalyq qadaǵalaý komıtetiniń usynysymen qalalyq bilim berý basqarmasy mektepterge qarashanyń 30-y kúngi saǵat 18.26-dan jeltoqsannyń 4-ne deıin karantın engizdi.
«Karantınge - 54, onyń ishinde 6 - oblystyq, 3 - arnaıy-túzeý jáne 45 qalalyq mektep jabyldy», dep atap ótti mınıstrliktiń baspasóz qyzmetinen.
