Oral qalasynda jazasyn óteýshiler koronavırýsqa qarsy ekpe saldyrdy
ORAL. QazAqparat – Oral qalasynda jazasyn óteýshiler koronavırýsqa qarsy ekpe saldyrdy, dep habarlaıdy QazAqparat tilshisi.
BQO boıynsha qylmystyq-atqarý júıesi departamenti málim etkenindeı, aldymen vaktsınatsııa RÝ-170/2 túzetý mekemesinde bastalyp, 50-den astam jazasyn óteýshi óz erikterimen ekpe aldy.
RÝ-170/2 túzetý mekemesiniń jasaq bastyǵy, ádilet aǵa leıtenanty Erasyl Saılaýovtyń aıtýynsha, jazasyn óteýshilerge ekpeni №6 qalalyq emhananyń medıtsına qyzmetkerleri júrgizýde. Óıtkeni atalmysh mekeme osy emhanaǵa bekitilgen.
Departamentten túsken málimetke qaraǵanda, basqa da túzetý mekemelerinde jazasyn óteýshiler kestege sáıkes kezeń-kezeńmen ózderi bekitilgen emhana arqyly ekpe alatyn bolady.
Vaktsınatsııa Oral qalasynyń tergeý ızolıatorynda da bastaldy. Munda kúdiktiler, aıyptalýshylar jáne sottalýshylar ekpe alýda. Búgin 149 adam vaktsına saldyrdy.
Bıyl departamentke qarasty túzetý mekemelerinde jazasyn óteýshiler arasynda koronavırýs tirkelgen joq.
Al departament qyzmetkerleriniń 95-90 paıyzy koronavırýsqa qarsy ekpe saldyrdy.
Eske sala keteıik, budan buryn Batys Qazaqstanda 6 mekteptiń karantınge jabylǵanyn, 107 adamnyń kóz jumǵanyn, jyljymaly egý keshenderi jumys istep jatqanyn jazǵan bolatynbyz.
