Oral qalasynda ystyq sý berildi
ORAL. QazAqparat - Oral qalasyndaǵy úılerge búginnen bastap ystyq sý berildi, dep habarlaıdy QazAqparat tilshisi.
«Jaıyqjylqýat» AQ bas dırektory Murat Báımenovtiń aıtýynsha, keshe jylý-qýat ortalyǵy gazǵa qosyldy. Soǵan baılanysty jedel jumys atqarylyp, gaztýrbınaly elektr stansasyn, bý qazandyǵyn iske qosý jumystary júrgizildi.
Kásiporyn qalada barlyǵy 1184 úıdi jylýmen, sonyń ishinde 826-syn ystyq sýmen qamtamasyz etedi. №2 jáne №7 jylý magıstraldaryn kúrdeli jóndeýge baılanysty sáıkesinshe 106 jáne 119 úı ystyq sýdan ajyratylǵan. Sonda qazir qalǵan 601 úıge ystyq sý berildi.
«Jylý-qýat ortalyǵynyń gazdan ajyratylýyna baılanysty 437 qyzmetker jartylaı jumys kúnine kóshirilip, 20 jumys toby qurylǵan bolatyn. Olar kún saıyn úılerdi aralap, turǵyndarǵa bereshekti óteý kerektigin túsindirip, qarjyny túsirý jumystaryn júrgizdi. Sonyń nátıjesinde turǵyndardyń kásiporynǵa qaryzy 670 mln-ǵa tústi. Al «Jaıyqjylýqýattyń» «QazTransGazAımaq» AQ-ǵa qazirgi berejaǵy - 680 mln teńge. Kún saıyn turǵyndardan túsken 10-12 mln teńge sol mekemege aýdarylýda», dedi «QazAqparat» tilshisine Murat Bolatuly.
Eske sala keteıik, budan buryn «QazTransGazAımaq» AQ-ǵa berejaǵy úshin jylý-qýat ortalyǵynyń 25 mamyr kúni gazdan ajyratylyp, qala turǵyndarynyń ystyq sýsyz qalǵanyn jazǵan bolatynbyz.
