Oral qalasynda úıdiń aýlasynan mına tabyldy

ORAL. QazAqparat – Oral qalasynda úıdiń aýlasynan mına tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 3 qarasha kúni saǵat 16.30-da Saraıshyq kóshesindegi 92/1-mekenjaıynda boldy.

Sonda turatyn 35 jastaǵy er adam jer qazý jumystary kezinde mınaǵa uqsas zat tapqan.

Mamandardyń paıymdaýynsha, bas jarylǵyshy joq, tankige qarsy qoldanylatyn mına azamat soǵysy kezinen qalǵan.

BQO polıtsııa departamentiniń saperlary mınany qaýipsiz jerge, polıgonǵa shyǵaryp, saǵat 18.12-de joıdy.

Zardap shekkender joq.

Eske sala keteıik, budan buryn BQO-da avtokóliktiń 4 jylqyny qaǵyp óltirgenin jazǵan bolatynbyz.