Oral qalasynda úshem ómirge keldi

ORAL. QazAqparat - Oral qalasynda úshem dúnıege keldi, dep habarlaıdy QazAqparat tilshisi.

BQO densaýlyq saqtaý basqarmasynyń málim etkenindeı, úshem 3 qańtar kúni saǵat 20.00-de aralaryna bir mınýt salyp, ómir esigin ashty.

Úsheýi de - qyz. Salmaǵy - 2279, 2240 jáne 2700 gramm. Oralda turatyn otbasynda budan buryn úsh bala bolǵan. Endi olarǵa taǵy úsheýi qosyldy. Qyzdarǵa Aınaz, Aızada, Aıdana degen at qoıyldy.

Kelinshektiń tolǵaǵy merziminen buryn, erte bastalǵandyqtan, bilikti mamandardyń qatysýymen oǵan jedel ota jasalǵan.

Salmaq qosqansha dárigerderdiń baqylaýynda oblystyq perınataldyq ortalyqta bolǵan shaqalaqtar búgin anasymen birge aýrýhanadan shyqty.

Úshemniń anasy, 39 jastaǵy Jadyra Іńkárovanyń sózine qaraǵanda, Aıdana men Aızada bir-birine qatty uqsas. Al Aınaz azdap ózgesheleý.

Aıta keteıik, ótken jyly atalmysh ortalyqta 6116 áıel bosanǵan. Sonyń ishinde úshem - úsheý, 78-i - egiz. Dúnıe esigin ashqandar arasynda qyz bala kóbirek bolǵan eken.

Eske salsaq, budan buryn BQO-da ekinshi úshem dúnıege kelgenin jazǵan bolatynbyz.

Sýretter - BQO densaýlyq saqtaý basqarmasy