Oral qalasynda shekteý sharalary kúsheıtiledi
ORAL. QazAqparat – Oral qalasynda 21 qańtardan bastap shekteý sharalary kúsheıtiledi, dep habarlaıdy QazAqparat tilshisi.
Oral qalasy bas memlekettik sanıtar dárigeriniń mindetin atqarýshy Roza Hasenovanyń 19 qańtardaǵy qaýlysyna sáıkes saýda úıleri men ortalyqtar, bazarlardyń qyzmeti jeksenbi kúnderi toqtatylady.
Qoǵamdyq tamaqtandyrý oryndary osyǵan deıin 09.00-den 23.00-ge deıin jumys istese, endi 20.00-de jabylýy tıis.
Barlyq oıyn-saýyq nysandary, banket zaly, túngi klýb, bar, karaoke, kompıýter, oıyn klýbtary, qorqor, býkmeker keńseleri, bılıard, boýlıng jáne basqa kóńil kóteretin oryndar, menshik nysanyna qaramastan, kezekshi toptardy qospaǵanda, mektepke deıingi balalar mekemeleri jumys jasamaıdy.
Memlekettik organdar men kvazımemlekettik uıymdar qyzmetkerleriniń keminde 80 paıyzy qashyqtan jumys isteıdi. Basqa da karantın shekteýi saqtalady.
Eske sala keteıik, budan buryn Batys Qazaqstanda indet juqtyrǵan 28 adamnyń jansaqtaý bóliminde jatqanyn jazǵan bolatynbyz.
