Oral qalasynda qyz balany zorlap, óltirgeni úshin izdeýde júrgen qylmysker Ázirbaıjanda ustaldy
ASTANA. 14 naýryz. QazAqparat - TMD aıasyndaǵy operatsııa barysynda izdeýde júrgen 200-den astam adam anyqtaldy.
Bul týraly búgin Astanada ótken brıfıngte Іshki ister mınıstrliginiń resmı ókili Nurdildá Oraz málim etti.
«Táýelsiz Memleketter Dostastyǵy elderiniń ishki ister mınıstrlikteri arasyndaǵy ýaǵdalastyqqa sáıkes, 2012 jylǵy 12-14 naýryz aralyǵynda «Іzdestirý» birlesken operatsııasy ótkizildi. Onyń maqsaty - respýblıkadan tysqary jerlerde jasyrynyp júrgen qylmyskerlerdi izdestirýdiń tıimdiligin arttyrý»,-dep toqtaldy resmı ókil.
Operatsııanyń 2 kúni ishinde izdeýde júrgen 220 adam anyqtalyp, tabyldy. Onyń ishinde ekeýi - adam óltirgeni, tórteýi - qaraqshylyq shabýyl jasaǵany, taǵy ekeýi - densaýlyqqa aýyr zııan keltirgeni, 12-si - adam tonaǵany úshin izdeýde júrgender.
Atap aıtqanda, 2005 jyly Oral qalasynda qyz balany zorlap, densaýlyǵyna aýyr zııan keltirip, óltirgeni úshin izdeýde júrgen qylmysker Ázirbaıjan Respýblıkasynyń Baký qalasynda ustaldy.
Al 1997 jyly Taraz qalasynda adam óltirgeni úshin izdeýde júrgen qylmysker Reseı Federatsııasy Mordovııa Respýblıkasynda qolǵa tústi.
Budan bólek, Qostanaı oblysy ІІD-niń qyzmetkerleri Orynbor qalasynyń polıtsııasy adam óltirmekshi bolǵany úshin izdeý salǵan 40 jastaǵy qylmyskerdi anyqtady.
Reseıdiń Tıýmen oblysynda qaraqshylyq jasaǵany úshin izdeýde júrgen qylmysker Pavlodar oblysynda ustaldy.
«Qylmyskerlerdi ekstradıtsııalaý máselesi sheshilýde»,-dep túıindedi N. Oraz.
