Oral qalasynda qurǵaq shóptiń órtenýine baılanysty jedel shtab quryldy
BQO TJ departamentiniń baspasóz qyzmetinen málim etkenindeı, órt jóninde 20 sáýir kúni saǵat 14.21-de habar túsken.
«Tilsiz jaýdy» aýyzdyqtaýǵa órt sóndirý bólimderinen 19 adam, 6 tehnıka, orman sharýashylyǵy mekemesinen 15 qyzmetker, 2 tehnıka jumyldyryldy. Órttiń aýmaǵy ázirge belgisiz. Ekpini sekýndyna 15-20 metrge deıin jetken qatty jel órtti sóndirýdi qıyndatýda. Qazirgi kezde jedel shtab qurylyp, iske kiristi. Batys Qazaqstan oblysynda erteń de jeldiń kúsheıetini jóninde eskertý jarııalandy», dep habarlady vedomstvodan.
BQO TJ departamenti bastyǵynyń orynbasary Rashıd Blıalovtyń búgin óńirlik kommýnıkatsııalar qyzmeti alańynda ótken brıfıngte málim etkenindeı, jyl basynan beri oblys aýmaǵynda 147 órt tirkelip, 3 adam qaza taýyp, tórteýi túrli jaraqat aldy, Órtten kelgen zalal 18 mln teńgeden asty.
Sonyń ishinde 77 ga aýmaqta 19 tabıǵı janý bolsa, bireýi – orman órti (15 ga).
