Oral qalasynda qubyr jarylyp, 350-ge jýyq abonent sýsyz qaldy
ORAL. QazAqparat – Oral qalasynda qubyr jarylyp, 350- ge jýyq abonent sýsyz qaldy, dep habarlaıdy QazAqparat tilshisi.
«Batys sý arnasy» JShS málim etkenindeı, 30 maýsym kúni saǵat 20.00-de Sh.Aıtalıev pen Almaty kósheleriniń qıylysynda sý qubyry jaryldy.
Qudyqtar men jeke turǵyn úılerdiń aýlalarynan sý sorǵyzyldy.
«Qazirgi tańda 350-ge jýyq abonent sýsyz qalyp otyr. Turǵyndarǵa sý jetkizý jumystary uıymdastyryldy. Shamamen 1 shilde kúni saǵat 22.00-ge deıin júrgiziletin óndeý jumystaryna apattyq tehnıka, ekskavator, vakýýmdyq mashına, MTZ-82 bazasynda sorǵy tartylǵan», dep habarlady kásiporynnyń baspasóz qyzmeti.
Batys Qazaqstanda kún qatty ysyp ketkendikten, sýsyz qalý turǵyndarǵa ońaı tıip otyrǵan joq.
Eske sala keteıik, budan buryn Batys Qazaqstanda kúshti jeldiń ǵımarattardyń shatyryn julyp áketkenin jazǵan edik.
