Oral qalasynda kóppáterli úıden órt shyǵyp, 32 adam qutqaryldy
NUR-SULTAN. QazAqparat – Oral qalasynda kóppáterli turǵyn úıden órt shyǵyp, 32 adam evakýatsııalandy, dep habarlaıdy QazAqparat.
«2021 jylǵy 03 aqpan kúni 10 saǵat 18 mınýtta BQO TJD daǵdarys jaǵdaıynda basqarý basqarmasyna Aqotaý kóshesi 24/1 mekenjaıyndaǵy páterden órt shyqqany jóninde habar kelip tústi. Órt jumystaryn barlaý barysynda 5 qabatty kóppáterli turǵyn úıdiń 4-qabatynyń páterinde jıhaz ben jeke zattar janyp jatqany anyqtaldy, órt páterdiń 15 sh/m sharpyp ótti» delingen habarlamada.
Málimetke saı, oqıǵa ornynan órt sóndirýshi-qutqarýshylar 3 adamdy qutqardy. Onyń 2-eýi bala, 32 adam evakýatsııalandy onyń 7-eýi bala. Qutqarylǵan 3 adamnyń ishinde 1 er adam avtosatynyń kómegimen terezeden shyǵarylyp, 2 bala qutqarýshylardyń kómegimen esikti buzý arqyly shyǵaryldy.
Oqıǵa ornynda BQO TJD «ÓS jáne AQJQ» MM psıhology atalǵan páterden qutqarylǵan jáne evakýatsııalanǵan turǵyndarǵa jedel psıhologııalyq kómek kórsetti.
Órt 10 saǵat 45 mınýtta oqshaýlanyp, 11 saǵat 01 mınýtta tolyqtaı joıyldy.
Oqıǵa ornynda jalpy 12 birlik tehnıka men 35 qyzmetker jumys atqardy.
