Oral qalasynda karantınge jabylǵan 54 mektep qalypty jumysyna kiristi - TJM
ASTANA. Jeltoqsannyń 5-i. QazAqparat - Jiti tynys joldary vırýsty ınfektsııanyń órshýine baılanysty Oral qalasynda karantınge jabylǵan 54 mektep qaıta jumys isteı bastady,
dep habarlaıdy QazAqparat QR Tótenshe jaǵdaılar mınıstrligine silteme jasap.
Esterińizge sala keteıik, Batys Qazaqstan oblysy Oral qalasynyń orta bilim berý mektepteriniń oqýshylary arasynda jiti tynys joldary vırýsty juqpanyń órshýine baılanysty, qalalyq bilim departamenti ótken qarasha aıynyń 30-ynan ústimizdegi jeltoqsannyń 4-ine deıin 54 mektepti karantınge japqan bolatyn.
Tótenshe jaǵdaılar mınıstrliginiń taratqan málimetine sáıkes, búginnen bastap barlyq mektepter qalypty jumysyna qaıta kiristi. Oblystyq jáne qalalyq orta bilim berý mekemelerinde oqytý úrdisi bastaldy.
